Mörg skemmtileg og góð verkefni eru í verkefnabrunninum og ætlum við að velja nokkur þeirra og kynna sérstaklega með reglulegu millibili.  Það er von okkar að þetta verði til þess að auka enn frekar nýtingu verkefnanna og hvetja kennara til að leggja fram fleiri verkefni. Brunnurinn er mikilvægt tæki til þess að bæta kennsluna og styrkja samstarf smíðakennara. Tökum höndum saman um að auka veg og vanda greinarinnar!

Þríhyrningsþraut

Hér er skemmtileg pinnaþraut sem hentar vel t.d. í 3. bekk.  Verkefnið gefur möguleika á að kenna og þjálfa nokkur mikilvæg vinnubrögð.

Þó að nemendur í 3. bekk ráði vel við þetta verkefni þá hentar það ekki síður fyrir eldri nemendur og þá er hægt að bæta í, auka kröfurnar og nota aðrar útfærslur eins t.d. þessa.

Þjálfunaratriði í verkefninu eru m.a. pússun, sögun með bakkasög og borun í súluborvél. Í eldri bekkjum er hægt nýta verkefnið til að æfa t.d. teikningu og útreikning á staðsetningu gatanna.

Spilið getur bæði verið einmenningsspil eða fleiri geta spilað það og notast við stigagjöf. 

Verklýsingu er að finna í verkefnasafninu. Ef þið kennarar eiga aðrar útfærslur á þssu verkefni eða svipuðu þá væri gaman að fá þær sendar inn.