Verklýsing

1

• Fáðu viðarlengju hjá kennara.
• Notaðu tommustokk og mældu 5 jafn langa búta.
• Notaðu vinkil til að strika beina línu þvert yfir viðinn.Þannig verður hún hornrétt (90°).

2

• Festu bakkann við hefilbekk. Nú festir þú viðarlengjuna í bakkann og sagar með bakkasöginni eftir línunum sem þú merktir.
• Pússaðu brúnirnar á kubbunum með sandpappír. Byrjaðu á grófum pappír númer 60, næst notar þú 150, 240 og að lokum 320.

3

• Mældu x cm borða. Klipptu þrjá jafn langa borða.
• Tylltu borðunum með lími á styttri enda eins kubbs. Á öðrum endanum er einn borði fyrir miðju. Á hinum endanum eru tveir borðar sitt hvoru megin við miðjuna.

4

• Leggðu borðana yfir kubbinn.
• Þegar þrír borðar liggja yfir kubbnum leggur þú næsta kubb ofan á. Passaðu upp á að herða borðann ekki of mikið en athugaðu líka að hann má ekki liggja of laus.
• Endurtaktu þar til síðasti kubburinn er kominn í staflann.

5

• Smeygðu gúmmíteygju þvert yfir alla kubbana (eða fáðu hjálp).
• Tylltu endunum á borðunum með lími við síðasta kubbinn, eins og þú gerðir í upphafi.
• Festu kubbastaflann í hefilbekkinn með teygjunni á.

6

• Nú þarf að festa borðana. Negldu einn nagla fyrir miðju á hverjum borða.
• Snúðu kubbnum við og endurtaktu.
• Til að tryggja að borðinn sé vel festur er gott að fá kennara til að hefta niður borðana með heftibyssu.

7

• Taktu teygjuna af staflanum og snyrtu til endana á borðunum ef þarf.
• Opnaðu varlega og leiktu þér.