Verklýsing

1

• Fáðu viðarlengjur hjá kennara sem er með 30° halla á tveimur endum.
• Ef búa á til hólka undir liti og slíkt þá þarf mjóa renninga en stærri þegar gera skal hillu eða box.
• Notaðu vinkil til að strika beina línu þvert yfir viðinn. Þannig verður hún hornrétt (90°).

2

• Festu bakkann við hefilbekk.
• Festu viðarlengjuna í bakkann og sagaðu með bakkasöginni eftir línunni sem þú merktir.

3

• Til þess að búa til einn kassa þarf sex jafn langar lengjur, finndu hversu há box þín eiga að vera. Gerðu þrjú mis há box.

4

• Raðaðu öllum sex kubbunum í lengju, þannig að gráðurnar sem þú hefur sagað snúi niður.
• Passaðu að þeir séu í beinni línu
• Festu þá saman með málararteipi.
• Hafðu ríflegt af límbandi á öðrum enda lengjunnar.

5

• Snúðu lengjunni varlega við.
• Settu trélím í öll samskeyti og á annan endann.
• ,,Rúllaðu” lengjuna upp þannig að sexhyrningur myndist
• Festu saman með límbandsbútnum sem var ríflegt af.
• Strjúktu allt auka trélím í burtu.

6

• Fáðu viðarplötu hjá kennaranum fyrir botninn.
• Leggðu sexhyrninginn á plötuna og strikaðu eftir útlínum með blýanti.
• Sagaðu eftir línunni með laufsög eða tifsög.
• Notaðu trélím til að líma sexhyrninginn niður á formið sem sagað var út.
• Festu saman með þvingum.

7

• Pússaðu brúnirnar á með sandpappír. Byrjaðu á grófum pappír númer 60, næst notar þú 150, 240 og að lokum 320.
• Nú getur þú skreytt boxið að vild.